Біліктілікті арттыру курстарына тыңдаушыларды қабылдау тәртібі

Арнайы және инклюзивті білім берудің психологиялық-педагогикалық кадрларының біліктілігін көтеру курстары - білім алуда ерекше қажеттігі бар балаларды оқыту, дамыту және тәрбиелеудің түзеу-педагогикалық процесінің сапасын көтеру үшін жаңа білімге және бұрын алынған кәсіби білімге, білікке, дағдыларға және құзіреттілікке қолдау көрсетуге, кеңейтуге, тереңдетуге және жетілдіруге мүмкіндік беретін кәсіби оқыту нысаны.

Біліктілікті көтеру курстар бойынша оқыту «АИБД ҰҒПО» РММ-де іс-шараларының операциялық жоспары, курстық іс-шаралардың жоспары негізінде және біліктілікті көтеру курстарының бекітілген оқу - тақырыптық жоспарлар мен білім беру бағдарламаларға сәйкес іске асырылады.

Оқу процесі теориялық сабақтардан, зертханалық-практикалық сабақтардан, практикалық оқытудан, кәсіби практикадан, курстық жобалаудан, бақылау жұмыстарынан тұрады, олар оқу аудиторияларында, АИБД ҰҒПО-тың оңалту орталығының, сондай-ақ тиісті саланың басқа білім беру ұйымдарының базасында күндізгі және / немесе аралас оқыту режимінде, сондай-ақ онлайн режимінде іске асырылады.

Онлайн-курстар Zoom платформасы, WhatsApp, электрондық пошта және басқа қол жетімді Интернет-ресурстардың көмегімен жүзеге асырылады. Сағат саны - 72 академиялық сағат (9 жұмыс күні). Сабақ кестесі: сағат 10.00-ден 17.00-ге дейін (түскі үзіліс 1 сағат).

Курстар қазақ және орыс тілдерінде жүргізіледі. Студенттерге арналған оқытудың екі формасы бар:

1) ақысыз (бюджеттік курстар);

2) ақылы негізде (ақылы курстар)

 

Бюджеттік курс бойынша тыңдаушылар тізімін құрастыру облыстық және/немесе қалалық, аудандық білім бөлімдерінен, сондай-ақ басқа заңды тұлғалардан курс тыңдаушыларының көрсетілген контингентіне сәйкес алынған өтінімдер негізінде іске асырылады. Тыңдаушыларды курсқа қабылдау тыңдаушылар тізімінің негізінде директордың бұйрығымен ресімделеді.

Бюджеттік курсқа тыңдаушылар құрамын жинақтау рәсімі:өткізілетін күні мен орны, тыңдаушылар контингенті және өңірлер бойынша бөлінген орындар саны, қатысушылардың кажетті мәлеметтері көрсетілген биілгі жылға жоспарланған курстар туралы хат облыстық білім басқармаларына, сондай-ақ Нұр-Сұлтан, Алматы және Шымкент қалаларының білім бөлімдеріне жіберіледі.

Облыстық білім басқармалары мамандардың кажетті мәліметтері көрсетілген біліктілігін арттыру курстарына қатысуға өтініш хат жібереді.Өтініштерді бөлім әдіскерлері қатысушылардың сұратылған санатына сәйкестігі, аймақтар бойынша бөлінген орындардың санына сәйкестігі бойынша және тыңдаушылардың соңғы 5 жылдың ішінде АИБД ҰҒПО-ның бюджеттік курстарына қайта қатысуына жол бермеу ережесіне сәйкестігін тексереді. Өтініштерді қарау нәтижелері бойынша курстарға қатысатын мамандардың тізімі жасалады және бекітіледі. Курс қатысушылардың бекітілген тізімдері көрсетілген хат облыстық/қалалық білім басқармаларына жіберіледі.

Бос орындар пайда болған жағдайда (контактілі оқытуда - тыңдаушы қатысушыларды тіркеуге келмеді, онлайн-оқытуда - тыңдаушымен тіркеу кезеңінде байланысқа шығу мүмкіндіді болмады), қатысушылар тізіміне курс тыңдаушылардың контингентіне сәйкес аудандық білім бөлімдерінен, білім беру ұйымдарынан, сондай-ақ басқа заңды тұлғалардан берілген резервтік өтінімдердің негізінде мамандарды кіруге рұқсат етіледі.

Ақылы курстар бойынша тыңдаушылар тізімін құрастыру білім басқармасы ұйымдарымен, білім беру ұйымдарымен, үкіметтік емес ұйымдармен және жеке тұлғаларменкурстар өткізу туралы шарттар жасасу негізінде жүзеге асырылады.

Ақылы негізіндегі біліктілікті арттыру курстарына жазылу тәртібі

1) ақылы курстарға арналған келісімшартты және сұранысты веб-сайтынан жүктеп алыңыз;https://special-edu.kz/onlinekz

2) толтырылған және қол қойылған келісімшарт пен сұранысты nnpckp-kursy@mail.ru поштасына жіберіңіз;

3) курстың ақысын төлеңіз және чекті nnpckp-kursy@mail.ru поштасына жіберіңіз.

 

Қатысушыларды тіркеу курстың басталуына дейін жүргізіледі, оған кіру сауалнамасын, тіркеу карточкасын толтыру, жеке басын куәландыратын құжаттың көшірмесін, жұмыс орнынан анықтама ұсыну кіреді. Күндізгі оқу режимінде жүргізілетін курсқа тіркелу үшін тыңдаушы тіркеуге уақытында келуі керек және оның қолында білім бөліміне курстан өтуге жіберу туралы өтініші; курсқа жіберілгені туралы бұйрығы; жеке басын куәландыратын құжаттың көшірмесі, іссапар куәлігі болуы керек; онлайн-курс тыңдаушысы курсқа тіркелу үшін тіркеу кезеңінде байланыста болуы, тіркеуге қажетті құжаттарды уақытында жіберуі қажет.

 

Біліктілікті көтеру курсы аяқталғаннан кейін тыңдаушыларға курс тақырыбы бойынша белгіленген үлгіде сертификатберіледі.Сертификат «АИБД ҰҒПО» РММ директордың, ал ол болмаған кезде директордың міндетін атқарушы адамның қойылған қолымен расталады және ол берілген күнінен бастап 5 (бес) жыл бойы жарамды болып есептеледі.

Күндізгі оқу жағдайында сертификаттар курстың соңғы күні, онлайн-оқытуда - курс аяқталғаннан кейінгі келесі екі апта ішінде беріледі. Онлайн-оқытуда сертификаттарды тыңдаушыларға жіберу ақылы түрде оқыған жағдайда ғана жүзеге асырылады, бюджеттік онлайн курс тыңдаушылары сертификатты алуды өздері ұйымдастырады. Курс тыңдаушыларының қатысу ережелерін, келісімшарт талаптарын бұзған қатысушылар оқудың кез келген кезеңінен курстан шығарылуы мүмкін, бұл жағдайда сертификат берілмейді.

Ағымдағы жылдағыкурс тақырыптары мен мерзімдері«Біліктілікті көтеру курсының жоспарлары» бөлімінде берілген.

Курстардың бағдарламалық мазмұнымен «Білім беру бағдарламалары» бөлімінентанысуға болады.

Онлайн курстардың тыңдаушыларының қатысу ережелері «Онлайн курстар» бөлімінде көрсетілген.

 

Ақпарат алу үшін телефон: 8(727)З95-8З-29 (АИБД ҰҒПО біліктілікті көтеру бөлімі).



Опросы

Сайттың жаңа дизайнын бағалаңыз

Өте ұнады
Жаман емес
Қанағаттанарлық, дегенмен ...
Бұдан жақсысын да көргенмін
Мүлдем ұнамады
Результаты

Наш адрес

050008, Республика Казахстан,
г. Алматы,
ул. Байзакова 273 "А"

тел. (7 727) 394-45-07
тел. (7 727) 394-45-15
тел./ факс: (7 727) 394-45-17
e-mail: nnpckp@mail.ru
           nnpckp@mail.kz