Page 110 - Оку жане тил дамыту_Окулык_3-сынып

special.edu.kz.
special.edu.kz.

Бір күндік қызық special.edu.kz.

Әнел әкесімен бірге қаланың сыртына серуенге шықты. Тау
баурайы. Неше түрлі гүл өскен көгорай шалғын. Әкесі сурет сала-
special.edu.kz. special.edu.kz. special.edu.kz.
тын аспабын құрып іске кірісті.

Әнел гүл арасынан ақ қанат көбелектерді байқады. Соңынан

жүгіріп ойнай бастады. «Қалайша шаршамайды өзі? Қанаттары
қалай талмайды? – деп ойлады Әнел. – Әлде менен үркіп, ұстап
алады деп жүр ме екен?» Әнел енді көбелектерді қумай, алыстан

бақылап тұрды.

– Көке, көбелек гүлден-гүлге неге ұшып-қона береді? – деп
сұрады ол.
special.edu.kz. special.edu.kz. special.edu.kz.
– Ол гүлдерді жақсы көреді. Гүлдердің шырынын алуға асығып
ұшқан болар.

– Неге асығады? – деді Әнел әкесіне таңырқай қарап. – Әлде
мына гүлдер ертең солып қала ма?
– Жоқ, қызым, бұл гүлдер жаз ортасы ауғанша солмайды.

– Ана көбелек неге асығады, қайда асығады? – деп қоймады

Әнел.
– Көбелектердің көбі бір күн өмір сүреді. Табиғаты сондай –
таң атқаннан кеш батқанша ғана созылады...
special.edu.kz. special.edu.kz. special.edu.kz.
– Кешке өліп қала ма? – деді Әнел көзі мөлтілдеп.

– Жоқ өлмейді. Олар гүлдің ұрығына айналып, жерге түседі.
Содан ертең мына гүл сияқты боп шығады, – деді әкесі.
– Білдім, білдім! Көбелектің гүлдерге ұшып-қона беретіні – ол

тезірек гүлге айналғысы келеді екен ғой. Қандай қызық!

Әнел үлбірек қанат көбелектерді тамашалап, көгорайдың ішін-
де құмары қанғанша асыр салды.

(М. Айымбетов)

special.edu.kz. special.edu.kz. special.edu.kz.

108