Page 9 - ҚАЗАҚСТАН ТАРИХЫ Арнайы мектептерге (сыныптарға) арналған Әбіл Е.А., Абаева Ғ.А., Макажанов А.Т

Кіріспе

Біздің ел Қазақстан Республикасы деп аталады.
Қазақстан – әлемдегі ең ірі елдің бірі. Аумағы бойынша
әлемде 9-шы орында.
Өзге де тәуелсіз елдер сияқты Қазақстанның да өзіндік

мемлекеттік рәміздері бар: Туы, Елтаңбасы және Әнұраны.
Қазақстан тәуелсіз ел болған тұста өзінің мемлекеттік
рәміздері: елтаңбасы мен туын белгілеп, әнұранын таңдау
мәселесі туындады. Оны жасауға көптеген суретшілер мен
ақындар ұмтылды. Солардың арасынан ең үздігі таңдалды.
Қазақ елінің мемлекеттік Елтаңбасы мен Туының автор-
лары не айтқысы келгенін көрейік.
Қазақстан мемлекетінің Елтаңбасы шеңбер түрінде бей-
неленген. Ол көшпелілер үшін, біздің ата-бабаларымыз
үшін өмір мен мәңгіліктің белгісі болып саналады. Шеңбердің
ортасында – шаңырақ. Шаңырақ – киіз үйдің ең басты

бөлігі. Шаңырақ қазақ үшін – отбасылық береке, татулық
және бейбітшіліктің таңбасы. Уық – күмбез бағаналары –
көк аспандағы күннің сәулелеріне ұқсайды. Ол өмір мен
жылудың көзі. Осылайша, Елтаңбаның авторлары қазақ
елі нің бейбітшілігін көрсетіп, халы қты ор тақ шаңырақтың
астына шақырады. Еліміздің өркендеуі – біздің басты
міндетіміз екенін ескереді.
Шаңырақ суретінің екі жағында алтын түсті екі тұлпар ор-
наласқан. Осы тұлпарлар бейнелері арқылы қазақ халқының

мінез-құлқын, күш-жігерін, мәдениетін көрсете білді. Ал
тұлпарлардың қанаттарын өскен бидайға ұқсатуға болады.
Ол да молшылық, әл-ауқаттың белгісі.
Еліміздің Мемлекеттік Туының түсі – көк. Бұл бейбіт аспан-
ның түсі. Тудың ортасында күннің бейнесі орналасқан
– өмірдің, қуаныштың, қуаттың белгісі. Күннің астында
қанаттарын кең жайған бүркіт бейнеленген. Бүркіттің бейнесі
қазақ хал қында ежелден келе жатқан дәс түр. Көшпенділер

8 8