Page 178 - History_of_Kazakhstan 8 class

ҚАЗАҚСТАННЫҢ КӨПҰЛТТЫ АТАНУЫ

Хабардар боласың:
депортация дегеніміз не;
Қазақстанға кімді және неліктен қоныстандырды;
депортацияланған халықтар қалай өмір сүргендігі

туралы.

Қазақстанның көпұлтты келбеті әртүрлі тарихи жағдай-
лардың нәтижесінде бірнеше ғасыр бойы қалыптасты.
Басты мән-жайлардың бірі Қазақстан аумағының елдің
басқа өңірлерінен халықтардың жер аударылу орнына
айналуы болды.
1930 жылдардың басында қоныс аудару Кеңес өкіметінің
саясатымен келіспейтін ауқатты шаруалардың жойылуына
байланысты басталды. Ресей мен Украина аумағынан Қазақ-
станға жүздеген мың отбасы қоныс аударды. 1930–1931 жыл-
дары Қазақстанға 1 миллион 800 мыңнан астам адам қоныс
аударды, оларды арнайы қоныс аударушылар немесе ең-
бек қоныстарындағылар деп атады. Қазақстанда арнайы
қоныс аударушылар саны үнемі өзгеріп отырды. Бұл жаңа

жер аударылғандарға, жер аударылған шаруалардың ара-
сын да өлім-жітім көптігіне және олардың жаппай қашуына
байланысты болды.
Сонымен бірге 1931 жылы Қазақстаннан 5500 бай және
ауқатты малшы көшірілді.
Соғыс алдындағы жылдары адамдарды ұлттық белгі-
лері бойынша күштеп көшіру саясаты жүргізіле бастады.
1935 жылы Ленинград облысынан 30 мың финдер жер
ауда рылып, олардың бір бөлігі Қазақстанға келді. Биліктің
шешімімен 1936 жылы Украина КСР шекаралас аймақта-
рынан поляктар мен немістер қуылды.
1937 жылы Кеңес басшылығы корейлерді Қиыр Шығыстан

Қазақстанға жаппай күштеп көшіру туралы шешім қабылдады.
Корейлермен бір мезгілде дерлік Қазақстанға ирандықтар,
күрдтер, түріктер жер аударылды.

178
178