Page 17 - History_of_Kazakhstan 9 class

республикасы болып Ресей федерация құрамына кірді. Сол

кезде еліміздің елордасы Қызылорда қаласы болған. Бірақ
бұл республикамыздың негізгі өнеркәсіптік орталықтарынан
алыс орналасқан шағын қала еді. Сондықтан 1927 жылы
астананы Алма-Ата (қазіргі Алматы қаласы) қаласына ауыс-

тыру туралы шешім қабылданды.
Алма-Ата тез өсіп-дами бастады. Ол сол кезден бастап
бүгінгі күнге дейін біздің өнеркәсіптік, мәдени және білім
беру орталығына айналды. Сұлулығы, табиғаты және қала
айналасындағы көптеген алмабақтары үшін Алматыны «қа-

ла-бақ» деп атайды.
1936 жылы біздің еліміздің тарихында тағы бір маңызды
оқиға орын алды. Қазақ автономиясы Ресей Федерация-
сының құрамынан шығып, одақтық республика мәртебесін

алды.
1920–1940 жылдар аралығында қазақ халқының өмірі-
не көптеген өзгерістер енді. Көшпелі қазақтар дәстүрлі мал
өсіру шаруашылығымен айналысқан. Олар ғасырлар бойы
отбасыларына, руларына тиесілі жерлерде мал баққан.

Кеңес одағында барлық жерлер мен кәсіп орындар мемле-
кеттің меншігіне ауысты. Сондықтан енді қазақ руларының
жерлерінде астық егу басталды.
Тағы айтарлықтай мәселе – қалалар көбейді. Олар өзен-
дер мен басқа да су айдындарының жанында салынды.

Бұрын бай жайылымдық жерлер көлемі күрт азайды. Бұл қа-
зақ тұрғындарының негізгі кәсібі – мал шаруашылығына үл-
кен зиян тигізді.
Сонымен қатар, КСРО армиясы қажеттіліктері мен өнер-
кәсіптік аудандарды тамақтандыру үшін қазақ халқынан

мал тартып алынды. 1930 жылдардың басында ұжымдас-
тыру саясаты басталды. Шаруалар күштеп ұжымдық
шаруашылықтарға (қысқаша – колхоздарға) біріктірілді.
Көптеген халық бұл саясатқа қарсылық білдірген. Көбісі мал-

17