Page 178 - ҚАЗАҚСТАН ТАРИХЫ Арнайы мектептерге (сыныптарға) арналған Әбіл Е.А., Абаева Ғ.А., Макажанов А.Т

сендерді ешкім білмейтін құпия соқпақпен алып барам. Ма-

ған еріңдер! – деді.
Шілденің шыжып тұрған ыстығы. Су сұрап аңқасы
кепкен, шөлдеп, күн өтіп, ауырып өліп жатқан, көмусіз қа-
лып жатқан парсы нөкерлерінің қисабы жоқ.

Осылайша Шырақ парсы әскерлерін жеті күн, жеті түн бойы
адастырып, шексіз құм басып жатқан даланың түпсіз тұң-
ғиығына енгізіп жіберген еді.
Шырақтың мәңгілік тұтқыны болғанын сезген парсы патша-
сы Шыраққа төне түсті. Ал Шырақ жалынды қуанышты да-
уыспен парсы әскеріне айқай салды:

Мен жеңдім! Біз жеңдік! Сақтар жеңді! Отан үшін жан пида.
Мақсатыма жеттім. Енді мені өлтіре беріңдер. Мен өлімнен
де, сендерден де қорықпаймын!
Шырақтың жалынды сөздеріне бұдан әрі шыдап тұра ал-
маған Парсы патшасы қылышын сермеп қалды. Шырақ туған

жердің топырағын құшақтай құлады.
«Бұл – аңыз емес, тарихи шындық», – деп жазады Полиэн.

Ғұндар мемлекетінің тұңғыш басшысы –

Мөде туралы аңыз

Ғұндар мемлекетінің алғашқы билеушісі, дана Мөде тура-
лы аңыз бар.

Ғұндардың кең байтақ жеріне Дунь Ху мемлекетінің ханы
қызығып, оны алудың амалын ойластырды. Дунь Ху елінің
әміршісі ғұндардың жас патшасына елшісін жіберіп:
– Мөде достығымызды сыйласа, маған сәйгүлігін берсін, –
дейді.
Сөйтіп күніне айшылық жолдарды алатын жүйрік тұлпарын

сұратады.
Мөде елдің ең атақты да ақылды адамдарын жинап,
не істейтіні жөнінде кеңес құрады. Кеңесшілер оған былай
дейді:

177