Ғылыми-әдістемелік бөлім
Ғылыми-әдістемелік бөлім қызметінің мақсаты білім беру қажеттіліктерін бағалау негізінде және арнайы педагогиканың, арнайы психологияның, басқа да сабақтас ғылымдардың қазіргі даму тенденцияларын ескере отырып, ерекше білім беру қажеттіліктері (мүмкіндіктері шектеулі) бар балаларды оқыту, тәрбиелеу, психологиялық-педагогикалық қолдау процесін ғылыми-әдістемелік қамтамасыз ету болып табылады.
Ғылыми-әдістемелік бөлім қызметінің негізгі бағыттары:
1) ғылыми-әдістемелік:
- мүмкіндігі шектеулі балаларды оқыту, тәрбиелеу, дамыту теориясы мен практикасының өзекті мәселелерін зерделеу, талдау және зерттеу;
- зерттеу нәтижелерін, мүмкіндігі шектеулі балалармен жұмыс істеудің жаңа әдістері мен технологияларын сынақтан өткізу;
- ұйымдастырушылық-нормативтік, мазмұндық, оқу-әдістемелік материалдарды арнайы ұйымдар қызметінің практикасына, мүмкіндігі шектеулі балаларды психологиялық-педагогикалық сүйемелдеудің технологиялары мен әдістерін әзірлеу және жалпы білім беру ұйымдары қызметінің практикасына енгізу;
-жүргізілген зерттеулер мен әдістемелік әзірлемелердің нәтижелерін ескере отырып, арнайы білім беру ұйымдарының мамандарын кәсіби дамытудың, психологиялық-педагогикалық сүйемелдеудің білім беру бағдарламаларын әзірлеу;
2) ұйымдастыру-әдістемелік:
- ҚР Білім министрлігімен келісілген тақырып бойынша АИБД ҰҒПО алдында тұрған міндеттерге сәйкес оқу-әдістемелік қызметтің негізгі бағыттарын анықтау;
- АИБД ҰҒПО әдістемелік материалдарын, мерзімді және сериялық басылымдарын дайындау және басып шығару;
- орталықтың басқа ұйымдармен, оның ішінде шетелдік ұйымдармен өзара іс-қимылы мен ынтымақтастығын ұйымдастыру;
- педагогтерге жұмыс кеңестері, жиналыстар, вебинарлар арқылы кеңес беру; хат алмасу.
Ғылыми-әдістемелік бөлім келесі функцияларды жүзеге асырады:
- операциялық, тақырыптық және күнтізбелік жоспарларда орталық директоры бекіткен ғылыми-әдістемелік жұмыс бағыттары бойынша уақытша шығармашылық ұжымдар құра отырып, қолданбалы зерттеулерді ұйымдастырады;
- ғылыми-әдістемелік жұмыстың нәтижелері бойынша әдістемелік ұсынымдарды әзірлейді, ұсынады және таратады;
- орталықтың құрылымдық бөлімшелерінің, сондай-ақ арнайы білім беру ұйымдарының әдістемелік жұмысын үйлестіреді.
Ғылыми-әдістемелік бөлімнің құрылымына 5 ғылыми зертхана кіреді:
1.Диагностика және арнайы педагогикалық қолдау зертханасы
2.Арнайы мектепке дейінгі білім беру зертханасы
3.Арнайы мектептегі білім беру зертханасы
4.Мүмкіндігі шектеулі балалардың (адамдардың) кәсіптік білім беру зертханасы
5.Психологиялық-педагогикалық сүйемелдеу зертханасы
