Диагностикалық-консультациялық бөлімге қабылдау тәртібі

Ата-аналар диагностикалық кеңес беру бөліміне өзінің бастамасы бойынша немесе дәрігерлер мен педагогтардың жолдамасы бойынша жүгіне алады. Диагностикалық кеңес беру бөлімінің қабылдауына 394-45-07 және 394-45-15 телефондары арқылы жазылуға болады.

Алғашқы қабылдауға ата-аналар медициналық және әлеуметтік-психологиялық анамнез туралы толық ақпарат жинау үшін баласыз шақырылады. Бұл жағдайда өзіңізбен бірге келесі құжаттарды алған жөн:

- медициналық құжаттама: 0521-нысан (амбулаториялық емделушінің медициналық картасы); №035-2/у нысаны бойынша медициналық анықтама;

- параклиникалық және басқа зерттеулердің нәтижелері: ЭЭГ, мидың КТГ, көз түбін зерттеу және т.б.;

- дәрігерлердің есту, көру, генетика, эндокринолог, ортопед жағдайы туралы қорытындылары;

- балаға психологиялық-педагогикалық сипаттама: тәрбиеші, мұғалім, логопед, егер баланың проблемалары оқумен, тәрбиемен және білім беру ұйымында мінез-құлықпен байланысты болса;

- мектеп жасындағы балалар үшін (оқу қиындықтарына шағымданған жағдайда) – ана тілі мен математикадан мектеп дәптерлері, суреттер.

- Медициналық әлеуметтік сараптаманың (МӘС) мүгедектігі туралы қорытындысы (мүгедектігі бар балалар үшін).

- Кешенді тексеру нәтижесінде мамандар баланың психикалық және дене қызметінде даму проблемаларының сипаты туралы қорытынды жасайды, ата-аналарға балаларды емдеу, оқыту және тәрбиелеу мәселелері бойынша консультациялық көмек көрсетіледі.

- Қажет болған жағдайда проблемалардың немесе даму бұзылыстарының себептері мен сипатын нақтылау үшін бала денсаулық сақтау ұйымдарында дәрігерлерден, офтальмолог, сурдолог, ортодонт, ортопед, эндокринологтан тексерілуге, сондай-ақ параклиникалық зерттеулер жүргізу ұсынылуы мүмкін.

- Қажет болған жағдайда бала білім беру ұйымдарында көмек алу, оқыту және тәрбиелеу мәселесін шешу үшін тұрғылықты жері бойынша психологиялық-медициналық-педагогикалық консультацияға (ПМПК) жіберіледі.

- Ерте жастағы балалар ата-аналарының сұрауы бойынша және ғылыми-эксперименттік зерттеулер шеңберінде психологиялық-педагогикалық көмек алуға АИБД ҰҒПО-ның оңалту және жаңа технологияларды енгізу бөліміне жіберіледі.

Диагностикалық кеңес беру бөлімінің жұмыс кестесі:

Дүйсенбі, бейсенбі – 13.30-дан 18:00-ге дейін;

сейсенбі, сәрсенбі, жұма – 10:00-ден 14:00-ге дейін

Телефон: 8 (727) 394 4515