Кәсіби дамыту бөлімі арнайы және инклюзивті білім берудің психологиялық-педагогикалық кадрларының біліктілігін арттыру жөніндегі іс-шараларды, курстан кейінгі қолдау, сондай-ақ педагогтердің кәсіби дамыту қызметін үйлестіруді (аттестаттау, республикалық кәсіптік шеберлік конкурстары) жүзеге асыратын «Арнайы және инклюзивті білім беруді дамытудың Ұлттық ғылыми-практикалық орталығы» республикалық мемлекеттік мекемесінің (бұдан әрі – АИБД ҰҒПО) құрылымдық бөлімшесі болып табылады.

Кәсіби дамыту бөлімінің мақсаты – қазіргі заманғы талаптарға және ерекше білім беру қажеттіліктері бар балалармен түзету-педагогикалық жұмыстың жаңа әдістерін игеру қажеттілігіне сәйкес үздік замануи психологиялық-педагогикалық тәсілдер мен білім беру-түзету тәжірибесі негізінде арнайы және инклюзивті білім берудің психологиялық-педагогикалық кадрларының біліктілігін арттыру курстарын ұйымдастыру және оқу-әдістемелік қолдау болып табылады. Орталық мамандарына аттестаттаудан дайындалуға және одан өтуде консультациялық-әдістемелік қолдау көрсету жөніндегі қызметті ұйымдастыру және жоспарлау. Республикалық кәсіби шеберлік конкурстарын ұйымдастыру және өткізу үдерісін қолдау.

Кәсіби дамыту бөлімі өз қызметінде келесіні ҚР Конституциясын, «Білім туралы» ҚР Заңын, «Педагогтердің біліктілігін арттыру курстарының білім беру бағдарламаларын әзірлеу, келісу және бекіту қағидаларын бекіту туралы» ҚР БҒМ 2020 жылғы 4 мамырдағы № 175 бұйрығын, «Педагогтердің біліктілігін арттыру курстарын ұйымдастыру және өткізу қағидаларын бекіту туралы» ҚР Білім және ғылым министрлігінің 2016 жылғы 28 қаңтардағы № 95 бұйрығын, «Жалпы білім беретін пәндер бойынша республикалық және халықаралық олимпиадалар мен ғылыми жобалар конкурстарының (ғылыми жарыстардың), орындаушылар конкурстарының, кәсіби шеберлік конкурстарының және спорттық жарыстардың тізбесін және оларды іріктеу өлшемшарттарын бекіту туралы» ҚР Білім және ғылым министрлігінің 2011 жылғы 7 желтоқсанындағы №514 бұйрығын, «Мектепке дейінгі тәрбие мен оқытудың, бастауыш, негізгі орта және жалпы орта білім берудің жалпы білім беретін оқу бағдарламаларын, техникалық және кәсіптік, орта білімнен кейінгі, қосымша білім берудің білім беру бағдарламаларын және арнайы оқу бағдарламаларын іске асыратын білім беру ұйымдарында жұмыс істейтін педагогтерді және білім және ғылым саласындағы басқа да азаматтық қызметшілерді аттестаттаудан өткізу қағидалары мен шарттарын бекіту туралы» ҚР Білім және ғылым министрлігінің 2016 жылғы 27 қаңтардағы № 83 бұйрығын басшылыққа алады;

Бөлім өз қызметін АИБД ҰҒПО РММ операциялық жоспарына, ҚР Оқу-ағарту министрлігінің АИБД ҰҒПО РММ директоры бекіткен арнайы және инклюзивті білім берудің психологиялық-педагогикалық кадрларының біліктілігін арттыру жөніндегі курстық іс-шаралар жоспарына сәйкес жүзеге асырады. Сондай-ақ, бөлім арнайы білім беру ұйымдары (арнайы балабақшалар, арнайы мектептер, ПМПК, ППТК, оңалту орталықтары, аутизм орталықтары) үшін кәсіптік шеберлік конкурстарын өткізуді ұйымдастырады.