Балаларды ЖТЕ бөліміне қабылдау тәртібі мен шарттары
ЖТЕ бөлімі алдында тұрған ғылыми-қолданбалы міндеттерге сәйкес мүмкіндігі шектеулі балаларды қабылдайды. Бөлімге туылғаннан үш жасқа дейінгі ерте жастағы мүмкіндіктері шектеуді балаларды басымдықпен қабылдайды.
Бөлімге мүмкіндігі шектеулі балалар мен жасөспірімдерді қабылдау кезінде келесі құжаттарды тапсыру қажет:
• ата-анасының (заңды өкілдерінің) жеке басын куәландыратын құжаттың көшірмесі;
• баланың туу туралы куәлігінің көшірмесі;
• мүгедектік туралы анықтаманың көшірмесі (бар болса).
Балалар ата-анасының (заңды өкілдері) алып келуімен ғана қабылданады.
Мүмкіндігі шектеулі балаларға психологиялық-педагогикалық және медициналық- әлеуметтік көмек көрсету ЖТЕ бөлімі мен баланың ата-анасы (заңды өкілдері) арасындағы келісім негізінде реттеледі.
Баланы ЖТЕ бөліміне қабылдау кезінде оның ерекшеліктерін, сондай-ақ пәнаралық топтық бағалау қажеттілігін анықтау мақсатында маманның жеке тексеруі түрінде балаға психологиялық-педагогикалық зерттеу жүргізіледі. Жеке және пәнаралық топтық бағалау нәтижесінде арнайы білім беру қажеттіліктері, негізгі бағыттары, психологиялық- педагогикалық көмек көрсету әдістері анықталады. Балаға берілетін көмектің көлемі, сабақтың ұзақтығы белгіленеді, балаға арналған жеке даму бағдарламасы (бұдан әрі – ЖДБ) әзірленді.
0 жастан 1 жасқа дейінгі балалар үшін ата-аналарға арналған консультативтік сабақтар ЖДБ тсәйкес айына 1-2 рет ұйымдастырылады. Ерте жастағы балалар (1-3 жас) үшін ата- аналардың қатысуымен жеке және топтық сабақтар өткізіледі.
Медициналық көмек дәрігер кеңесі, емдік дене шынықтыру, массаж түрінде көрсетіледі.
Массажға жіберілген мүмкіндігі шектеулі балаларды бастапқы тексеруді невропатолог жүргізеді.
Емдік дене шынықтыру сабақтарына жіберілген мүмкіндіктері шектеулі балаларды емдік дене шынықтыру инструкторларының жұмыс мазмұнын анықтау мақсатында реабилитолог дәрігер тексеруден өткізеді.
Бөлімге баруға жалпы медициналық қарсы көрсеткіштер:
- декомпенсация сатысындағы соматикалық аурулар;
- жедел жұқпалы аурулар;
- созылмалы спецификалық емес аурулар (туберкулез және т.б.)
Жеке сабақтарға медициналық қарсы көрсеткіштер:
а) жиілігіне қарамастан балада әртүрлі ауыр энцефалопатиялық және психопатиялық құрысулардың болуы;
б) әртүрлі шығу тегі айқын энцефалопатиялық және психопатиялық мінез-құлық бұзылыстары (емдеу кезеңінде)
Түзету-дамытушылық көмек ЖТЕ бөлімінде келесі бағыттарда көрсетіледі:
- түзеу-дамыта оқытудың жеке түрі;
- түзете дамыта оқытудың топтық формасы;
- күндізгі келу топтары;
- балаларға арналған қысқа мерзімді келу топтары;
- медициналық көмек (емдік дене шынықтыру, массаж, дәрігерлердің кеңесі: невропатолог, реабилитолог, педиатр).
