АВТОРЛАРҒА АРНАЛҒАН ЕРЕЖЕ «Арнайы педагогика» ғылыми-практикалық журналы

Мақаланы жариялау шарттары:

– Ғылыми зерттеулердің тұтастығын қамтамасыз ету үшін авторлар халықаралық ғылыми жарияланым стандарттарын ұстануы тиіс.

– Мақаланы ұсыну барысында автор мақаланың түпнұсқа екеніне, бұрын ешбір дереккөзде жарияланбағанына және басқа баспаларға ұсынылмағанына кепілдік береді. Басқа тілдерде жарияланған мақалалардың аудармалары қабылданбайды.

– Жасанды интеллектіні пайдалану арқылы мәтін генерациясының рұқсат етілген деңгейі 40–50%-дан аспауы тиіс. Авторлар ұсынылған материалдардың түпнұсқалығы, шынайылығы, ғылыми және практикалық маңыздылығы үшін толық жауап береді.

– Зерттеу нәтижелері нақты, бұрмаланбаған деректерге негізделуі тиіс, сондай-ақ материалдарды жинау, іріктеу және өңдеу кезінде пәндік талаптар сақталуы қажет.

– Мақаладағы авторлардың орналасу тәртібін авторлар өздері анықтайды және редакцияға тапсырылғаннан кейін ол өзгертілмейді. Редакциялау кезеңінде авторларды қосуға немесе алып тастауға жол берілмейді. Мақала қабылданғаннан кейін авторлар құрамын өзгертуге тыйым салынады.

– Бір автордан немесе сол автордың өзге авторлармен бірлесіп жазған мақаласынан бір нөмірге бір ғана қолжазба қабылданады.

– Бір мақаладағы бірлескен авторлар саны 4 адамнан аспауы тиіс.

– Мақаланың бірегейлік деңгейі 70%-дан төмен болмауы қажет (редакциялық алқа шешіміне сәйкес).

– Плагиатқа қарсы тексеруден екі рет өтпеген, сондай-ақ ресімдеу, мазмұн және журнал талаптарына сәйкес келмейтін материалдар үшінші тексеруге жіберілмейді және жарамсыз деп танылады.

– Егер мақалада балаларға қатысты зерттеу мәселелері қарастырылса, этикалық комитеттің қорытындысын ұсыну қажет.

– Мақалаларды қабылдауға арналған электрондық пошта: journalspecialedu.kz@yandex.kz

Толығырақ