ТҰЖЫРЫМДАМА «ИНКЛЮЗИВТІ ЖӘНЕ АРНАЙЫ БІЛІМ БЕРУ ЖАРШЫСЫ» ҒЫЛЫМИ-ПЕДАГОГИКАЛЫҚ ЖУРНАЛЫ

1. Басылымның жалпы сипаттамасы

«Инклюзивті және арнайы білім беру жаршысы» ғылыми-педагогикалық журналы – инклюзивті және арнайы білім беру саласындағы іргелі, қолданбалы және пәнаралық зерттеулердің нәтижелерін жариялауға арналған бейінді мерзімді басылым.

Журналдың мақсаты – ерекше білім беру қажеттіліктері бар балалармен жұмыс істеудің әдіснамалық негіздерін, инновациялық тәсілдері мен практикалық әдістемелерін дамытуға ықпал ету, сондай-ақ ғылым мен білім беру тәжірибесінің интеграциясын қамтамасыз ету.

Журнал 2025 жылы Қазақстан Республикасы Мәдениет және ақпарат министрлігінің Ақпарат комитетінде тіркелген

(тіркеу куәлігі № KZ91VPY00125752).

2. Журналдың мақсаттары мен міндеттері

Негізгі мақсат:

инклюзивті және арнайы білім берудің әдістемелік, педагогикалық және ғылыми мәселелерін талқылауға арналған кәсіби ғылыми алаң қалыптастыру.

Негізгі міндеттері:

1. инклюзивті білім берудің әдіснамалық базасын қалыптастыру;

2. ғылыми негізделген әдістемелік әзірлемелерді тарату;

3. білім беру тәжірибесіне инновациялық тәсілдерді енгізуге ықпал ету;

4. педагогтер мен ғылыми мамандардың біліктілігін арттыру;

5. арнайы және инклюзивті білім беру саласындағы зерттеулердің халықаралық интеграциясына жәрдемдесу.

3. Редакциялық саясат

Журнал Қазақстанның және шетелдердің жоғары және жоғары оқу орнынан кейінгі білім беру ұйымдарының профессор-оқытушылар құрамына, докторанттарға, магистранттарға, білім беру жүйесінің барлық деңгейіндегі педагогтарға, сондай-ақ инклюзивті және арнайы білім беру жүйесінің мамандарына арналған.