Ерекше білім беру қажеттіліктері бар балаларды тәрбиелеу дамыту үшін ата-аналарға арналған практикалық көмек
2025 жылдың 29 қаңтарында “Ата-аналар академиясы” атты жоба басталды. Бұл жоба ерекше білім беру қажеттіліктері бар балаларды тәрбиелеу мен дамыту мәселелерінде ата-аналарға практикалық көмек көрсетуге бағытталған.
Жобаның бірінші күні ерте жастағы балалар мен олардың отбасыларын қолдау мәселелеріне арналды.
Логопед Мергалиева Т.Е. ата-аналарға ерте жастағы балалардың сөйлеу тілінің дамуы туралы айтып, сөйлеу тілін дамытуға арналған логопедиялық жаттығулармен таныстырды. Бұл жаттығуларды күнделікті өмір жағдайында орындау тиімді жаттығулар:
• Артикуляциялық гимнастика;
• Сөйлеу тынысын дамыту;
• Есту назарын дамыту;
• Ұсақ және жалпы моториканы дамыту;
• Сөйлеуді түсінуді дамыту және т.б.
Сурдопедагог-дефектолог Достай А.К. ата-аналарға ерте жастан маман көмегіне жүгінудің маңыздылығын және баланың өзіне-өзі қызмет көрсету дағдыларының қаншалықты маңызды екенін түсіндірді. Сондай-ақ, бұл дағдыларды қалыптастырудың негізгі шарттары мен талаптарымен таныстырды:
• Біртіндеп үйрету;
• Позитивті көзқарас;
• Жеке ерекшеліктерді ескеру;
• Қауіпсіздік.
Балалардың өзіне-өзі қызмет көрсету дағдыларының даму кезеңдері туралы ақпарат берілді.
Кездесу қызықты, мазмұнды өтті және ата-аналармен өзара диалог орнатылды
