Айдар туралы ақпарат

«Мүмкіндігі шектеулі балаларды психологиялық-педагогикалық қолдаудың ғылыми негізделген әдістері» айдары — ерекше білім беруді қажет ететін білім алушыларды қолдаудың заманауи тәсілдерін жариялауға бағытталған жүйелендірілген ақпараттық-әдістемелік ресурс.

Айдардың мазмұны психология, педагогика, арнайы педагогика және сабақтас ғылыми салалардағы өзекті ғылыми зерттеулер негізінде, сондай-ақ білім беру және инклюзивті тәжірибе саласындағы нормативтік-құқықтық талаптарды ескере отырып қалыптастырылады.

Айдар аясында төмендегі мәселелер қарастырылады:

• психологиялық-педагогикалық қолдаудың ғылыми негізделген әдістері мен технологиялары;

• білім беру және түзету-дамыту үдерісін ұйымдастыру стратегиялары;

• әртүрлі білім беру жағдайларында әдістерді қолданудың практикалық тәжірибесі және олардың тиімділігін талдау.

Айдар материалдары педагог қызметкерлерге, педагог-психологтарға, арнайы педагогтарға, психологиялық-педагогикалық қолдау қызметтерінің мамандарына, сондай-ақ ата-аналарға арналған.

Айдардың мақсаты

Мүмкіндігі шектеулі балаларды психологиялық-педагогикалық қолдаудың дәлелді тәсілдері мен тиімді тәжірибелерін жүйелеу, жинақтау және тарату арқылы білім беру жүйесі мамандарына ғылыми-әдістемелік қолдау көрсету.

Айдардың міндеттері

• мүмкіндігі шектеулі балаларды психологиялық-педагогикалық қолдаудың заманауи ғылыми негізделген әдістерін жүйелеу және ұсыну;• білім беру және түзету-дамыту үдерісін ұйымдастырудың тиімді технологияларын талдау және сипаттау;

• мамандардың озық практикалық тәжірибесін жинақтау және тарату;

• білім беру ұйымдарына дәлелді тәжірибелерді енгізуге жәрдемдесу;

• педагогтер мен өзге де қолдау көрсету мамандарының кәсіби құзыреттілік деңгейін арттыру;
• білім беру қатысушыларына мүмкіндігі шектеулі балаларды оқыту, дамыту және әлеуметтік бейімдеу мәселелері бойынша ақпараттық-әдістемелік қолдау көрсету;

• кәсіби қызметте қолдануға арналған сапалы әдістемелік материалдардың қолжетімділігін қамтамасыз ету.