«Арнайы мектеп-интернаттарындағы білім беру аспектілері: теория мен тәжірибе» республикалық ғылыми-практикалық конференциясы өтті
2023 жылғы 28 сәуірде Есік қаласында арнайы мектеп-интернаттарының басшылары, арнайы мектеп-интернаттары мен жалпы білім беру ұйымдарының, облыстық білім беру мекемелерінің арнайы педагогтері, педагог-психологтері қатысуымен «АРНАЙЫ МЕКТЕП-ИНТЕРНАТТАРЫНДАҒЫ БІЛІМ БЕРУ АСПЕКТІЛЕРІ: ТЕОРИЯ МЕН ТӘЖІРИБЕ» атты конференция өтті. Шара ерекше білім беруді қажет ететін білім алушылардың барлық деңгейдегі білімге қолжетімділігін қамтамасыз етудегі арнайы мектеп-интернаттардың жұмысын дамыту, өзара тәжірибе алмасуына жағдай жасау мақсатында ұйымдастырылды. Қатысушылар Ерекше білім беруді қажет ететін білім алушыларды психологиялық-педагогикалық сүйемелдеу тәжірибесі, арнайы мектеп-интернаттарының жұмысын жаңғыртудың жолдары тақырыптары аясында өзіндік көзқарастарын ұсынып, тәжірибелерімен бөлісті.
