Ақтөбе гуманитарлық колледжінің студенттері «Сөйлеу тілінде күрделі бұзылыстары бар балаларға кешенді түзету жұмысын ұйымдастырудың заманауи тәсілдері» атты семинарына қатысты
«Ақтөбе облысының білім басқармасы» ММ «Алма» сөйлеу тілінде күрделі бұзылыстары бар балаларға арналған арнайы балабақша»КММ-де «Сөйлеу тілінде күрделі бұзылыстары бар балаларға кешенді түзету жұмысын ұйымдастырудың заманауи тәсілдері» тақырыбында семинар-практикум өтті. Іс-шараға Ақтөбе гуманитарлық колледж студенттері қатысты.
Мекеме меңгерушісі Балымбетова Гулшат Шалкаровна балабақшаның жұмысын ұйымдастыру процесіне тоқталды.
Семинар-практикум барысында педагогтер балалардың сөйлеу тілін жетілдіру, тіл кемшілігін түзете-дамыту бағытында өз іс-тәжірибелерімен бөлісті. Балабақша мамандары түрлі ойын, қимыл, танымдық, шығармашылық түрде баланың сөйлеу мәдениетін қалыптастыру арқылы шебер-класс ұйымдастыру іс-әрекеттерін көрсетіп, қолданылатын дидактикалық материалдармен таныстырды.
