Есту, көру қабілетінде бұзылыстары бар қатысушылар арасында ШҚО шахмат, дойбы, тоғызқұмалақтан ашық чемпионаты
16.06.2023 ж. Өскемен көпсалалы технологиялық колледжі базасында есту, көру мүшелері зақымдалған мүмкіндіктері шектеулі қатысушылар арасындағы шахматтан, дойбыдан және тоғызқұмалақтан Шығыс Қазақстан облысының ашық Чемпионаты паралимпиадалық қозғалысты насихаттау және Спартакиада бағдарламасына кіретін спорт түрлерін дамыту мақсатында өтті. Чемпионаттың ашылуында ҚР Әнұраны, концерттік нөмірлер орындалды және демеуші «Терезе» ЖШС директоры сөз сөйледі. Чемпионат қызықты ұйымдастырылған. Жалпы басшылықты Шығыс Қазақстан облысының дене шынықтыру және спорт басқармасы жүзеге асырды. Чемпионатқа Тарбағатай, Ұлан, Катонқарағай аудандарынан 30 әр түрлі жастағы санаттағы спортшылар қатысты. «Ақ ниеттің» атынан тоғызқұмалақтан жарысында - тәрбиеленушілер Баширова Ислана мен Нұртай Назым қатысты, 12 жас санатында. Жүлделі І орынға - Нұртай Назым, ІІ орынға - Баширова Ислана иеленді. Дипломдар 17.06.2023ж. тапсырылады. Қыздар, жарайсыңдар, тек табыстар тілейміз!
