Психологиялық – педагогикалық түзету кабинетінде Дефектологтар декадасы басталды
2023 жылдың 25 қыркүйек күні «№7 Психологиялық – педагогикалық түзету кабинеті» КММ-де Дефектологтар декадасы басталды. Дефектологтар декадасы қыркүйек айының 25 мен қазан айының 06 дейін жалғасын табады.
Мақсаты: Педагог-дефектолог қызметінің жұмысын насихаттау, мекеме ұжымының ауызбіршілігін қалыптастыру, ата-аналар мен оқушылардың шығармашылығын, белсенділігін арттыру.
Ең алдымен мекеме директорының міндетін атқарушы А.Б. Масжанова апталықтың ашылу салтанатын өткізді. Декаданың алғашқы күні «Түрлі түсті күн» деп аталды, бұл күннің ұраны: «Әрбір бұлтты күннен кейін, міндетті түрде күн шығады!».
Дефектолог мамандары (7 түсті Люшер тестінің түстері арқылы) ата-аналармен және балалармен «Көңіл – күй диагностикасы» атты тест өткізіп, (сенсорлы жолақ арқылы) «Балаңыздың бойындағы жақсы қасиет» атты тренинг ұйымдастырды. Сонымен қатар «Дефектолог таңғажайып мамандық» атты ата-аналарға арналған түсіндірме жұмысын жүргізді және «День воздушных шариков» тақырыбында дидактикалық ойын өткізді.
