Біздің орталығымызда тәрбиеші Р.А. Кушеева «Жыл мезгілі – Күз» сабағы тәрбиеленушілердің белсенді қатысуымен өтті. Онда балаларды күз мезгілімен таныстыруға, резеңке етік, жаңбырға арналған киім кию және қолшатыр қолдану дағдыларын игеруге бағытталған сабақ болды.
Негізгі мақсаты – балаларды жаңбыр жауған кезде дұрыс киінуге үйрету, сондай-ақ оларға қолшатыр алып, оны ашуға үйрету.
Тәрбиеші Р.А. Кушеева балалармен бірге далаға шығу үшін «Суреттер», «Киінуге, киімді шешуге көмектесу» көмек картасы әдісін қолданды. Балалар далада серуендеп қана қоймай, көңілді күзгі көңіл-күймен шалшықтарда қуанышпен ойнап секірді.
