Педагог-ассистенттерге арналған курс: ерекше білім беру қажеттіліктері бар балалармен жұмыстың жаңа тәсілдері
28 қараша күні жалпы білім беретін мектептердің педагог-ассистентеріне арналған біліктілікті арттыру курсы сәтті аяқталды.
Оқу барысында қатысушылар педагог-ассистенттің қызметінің бағыттарымен және қағидаларымен танысты. Тыңдаушылар оқушылардың ерекше білім беру қажеттіліктерін бағалауға командалық тәсіл алгоритмін игеріп, сондай-ақ педагог-ассистенттің психологиялық-педагогикалық қолдау құжаттарын зерттеді.
Курстың практикалық бөлігі оқушының даму ерекшеліктері мен мүмкіндіктерін терең зерттеу әдістерін, мінез-құлқында бұзылыстары бар оқушылармен сабақтарды өткізу әдістемелерін қамтыды.
Ерекше білім беру қажеттіліктері бар оқушылардың оқу үдерісін ұйымдастырудың заманауи әдістеріне ерекше назар аударылды.
