Орталық мамандарының Талдықорған қаласындағы арнайы білім беру ұйымдарына жұмыс сапары
2024 жылдың 26-28 қараша аралығында «АИБД ҰҒПО» РММ мамандары К.Н.Ахмедиева мен А.Б.Чулембаева арнайы мектептердегі педагогтерге, тәрбиешілерге және мамандарға кеңестік-әдістемелік көмек көрсету мақсатында Талдықорған қаласындағы «Облыстық №1 балабақша-мектеп-интернат арнайы кешені» КММ және «Талдықорған қаласының облыстық №2 арнайы мектеп-интернаты» КММ-не іссапармен барып қайтты.
Орталық мамандары оқу процесіне қатысып, ұйымның материалдық-техникалық базасымен, оқулықтар және оқу-әдістемелік кешендермен қамтамасыз ету, түлектерге кәсіптік бағдар және кәсіптік техникалық білім беру бағытындағы жұмыстарымен танысты.
Іссапар барысында ұжым мүшелерімен ұйымдастырылған кездесулер нәтижесінде өзекті мәселелер талқыланып, орталық тарапынан көрсетілетін әдістемелік көмек мазмұны бойынша ұсыныстар жобаланды.
